自助炭火烤肉菜品 真，炭炉烤肉严选上乘食材炮制

想跳出香港但又飞唔到，不如跳出舒适圈试下啲平时比较少机会食到嘅菜系，例如今次介绍嘅黎巴嫩菜！黎巴嫩菜嘅特色系采用新鲜食材配搭香草，味道清爽细腻。位于东涌嘅Maison Du Mezze就由黎巴嫩人主理，只用上乘新鲜材料，绝不添加味精或者鸡粉等。加上有坊间少见嘅真·炭炉，无论系烤海鲜定肉类都带独特嘅炭香。

【开心Share！】终极木炭烤肉拼盘

厨房设炭炉烤制正宗黎巴嫩烤肉串，令所有食材增添淡淡焦香

一班人最啱点超大份嘅Maison Du Mezze Ultimate Mix Grill，一边倾计一边Share嚟食，好似去咗朋友屋企咁自在。里面有齐羊肉、牛肉同鸡肉，而且仲会有Kofta、即系碎肉混合香料等制作而成嘅肉串，口感特别松软。烤肉以多款香料、柠檬、蒜头、乳酪等腌制过，带出肉香又够惹味。

Maison Du Mezze Ultimate Mix Grill

慢煮12小时 嫩滑烤BB羊

黎巴嫩菜讲求天然同健康，菜式都以展现食材原味为主，所以食材本身嘅质素就非常重要。好似呢道烤羊肩肉就特别选用西班牙乳饲BB羊，初生羊肉质零舍细嫩，羊羶味亦较淡。经过12小时慢烤后，更系轻轻叉开就好似个名咁讲骨肉立即分离！外皮焦脆，肉嫩多汁。

Falling off the Bone Lamb Shoulder

肉味香浓顶级肉眼

炭烤肉眼扒同样系各位食肉兽必点，挑选美国最高级别嘅Prime Grade（极佳级）肉眼，而且用带丰富油花嘅肉眼，系最啱炭烤嘅部位！烧走多馀油分，带出阵阵脂香但唔油腻，口感柔软而不失弹性，肉味浓郁。

Chargrilled Ribeye

烤海鲜一样出色！

黎巴嫩位于地中海东岸，盛产蔬果同海产，正宗黎巴嫩菜亦自然唔少得各款烤海鲜。推介呢碟炭烤西班牙海鲈鱼，简单以橄榄油同香草香煎，鱼肉细嫩紧致，加上柠檬汁味道更清新解腻。

Charcoal Grilled Fish Sea Bass

烤八爪鱼须肉质弹牙而唔会韧，以橄榄油、蒜头、橄榄、日晒蕃茄乾带出鲜味。特别系日晒蕃茄乾香气更浓缩，配搭橄榄油又令酸味更温和，开胃同时唔会盖过八爪鱼原味。

Char Grilled Octopus Leg

其他炭烤菜式推介

Chargrill Lamb Cutlets

Kofta Kashkash

Grilled Tiger Prawns

前菜Mezze 超多冷/热选择

食黎巴嫩菜会发现有好多Mezze、即系餐前小菜或者开胃菜，冷盘Mezze以鹰嘴豆泥（Hummus）、沙律为主，热食就以惹味、香口小食为主。

黎巴嫩经典沙律选用原种番茄（Heirloom Tomato），即系无配种、最原始嘅番茄品种，大细颜色各异，茄味突出又更香甜。配搭青瓜、彩椒、石榴，再撒上新鲜番茜、薄荷、盐肤木粉同红石榴汁，最后以脆片点缀，味道同口感都好丰富而又唔Heavy。

Fattoush Salad

鹰嘴豆泥都可以有好多变化，呢个鹰嘴豆泥拼盘就有四款口味，最特别嘅系粉红色嘅Hummus Shamender，其实系用红菜头嘅天然色素上色，味道亦多咗份清甜。而Truffle Hummus就有浓郁黑松露香气！大厨更特别教大家，撕开附上嘅Homemade Pita Bread后用手将面包捏成猫耳状蘸Hummus，用手食唔用刀叉先系地道食法！

Mix Hummus Platter

另一推介就系Mix Cold Mezze，一次过可以试到四款Mezze：鹰嘴豆蓉、炭烤红椒核桃蓉、烟燻茄子乳酪蓉、新鲜薄荷乳酪黑松露蓉。鹰嘴豆蓉同新鲜薄荷乳酪黑松露蓉味道较淡，后者加入薄荷味道清爽。烟燻茄子乳酪蓉会多一重烟燻香气，橙红色嘅炭烤红椒核桃蓉就味道最浓郁，微辣惹味。

Mix Cold Mezze

Creamy Burrata Cheese

Hummus Kawarma

Samka Harra

特设鸡尾酒吧 最啱Happy Hour

想Chill嘅时候好啱饮返两杯，酒吧以墨绿色为主调，配搭云石吧枱同木柜，感觉温暖舒适。Cocktail同Mocktail选择多元化，Sip & Savour以苏格兰威士忌为基底，混合海盐焦糖、柠檬汁等，配埋爆谷更突显酒香。Ain’t Nuttin就以牛奶、椰奶、肉荳蔻、榛子糖浆调配而成，再洒上烤椰子脆片，香气层次丰富。

Sip & Savour

Ain’t Nuttin

餐厅采光度高，加上植物摆设，气氛轻松写意

特设户外座位，感觉特别悠闲